РИФАТ СӘЛАХ

Рифат СӘЛАХ

​

Туган җир

 

Туган якның җылы таңын эзлим,

Гел тигәнәк анда, гел әрем...

Әллә кая китеп югалганнар

Ал чәчәкле иркә гөлләрем.

 

Әллә кая китеп югалганнар

Үзәннәрдә үскән җиләкләр.

Югалтудан шашып-шашып тибә

Туган ягын җуйган йөрәкләр.

 

Сырхауларга күпме дәвалар бар,

Сихәт бирми ләкин берсе дә

Кендек каны тамган туган җиргә,

Туган якка булган җирсүгә.

10.01.2017